Выпускны ў дзіцячым садку - першае самастойнае падвядзенне вынікаў, усведамленне дасягненняў і хвалюючае чаканне новых падзей, радаснае і трошкі сумнае мерапрыемства для дзяцей і дарослых. Да гэтага дня выхаванцы і педагогі падрыхтавалі цудоўнае свята: добрае, шчымлівае, з чарадзействам і цудамі. Дзеці пелі песні, танцавалі, чыталі вершы, дэманстравалі свае веды і ўменні ў вясёлых конкурсах. А дарослыя падтрымлівалі кожнае выступленне бурнымі апладысментамі. Наперадзе школа - школьныя сябры, школьныя радасці, званок, перамены, урокі, шмат новага і захапляльнага... У добры шлях, выпускнікі!